Migraine ka Gharelu Ilaaj – माइग्रेन का घरेलू इलाज हिंदी मे

By | July 3, 2017

Migraine ka Gharelu ilaj

Migraine sir dard ka rog hai jo sir ke aadhe hisse me hota hai, isliye is bimaari ko aadhi cc ki bimaari ke naam se bhi jaante hain, migraine ka dard koi aam dard nahi hota hai, ye dard sir ke kisi bhi aadhe bhaag me hota hai ye itna dardnaak hota hai ki isme mareez na to araam se so pata hai aur na hi kuch aur kaam kar pata hai. Sir dard hone se ulti bhi aane lage to ye aur bhi bhayanak ho jaata hai kuch ghanto se kuch dino tak migraine ka dard reh sakta hai, is rog me sir ke niche wali dhamni badi hone lagti hai aur dard wale hisse me soojan bhi aa jati hai, migraine ke dard me kabhi bhi laaparwahi nahi karni chahiye kyunki ye rog lakva aur brain haemorrhage jaisi bimaariyon ka kaaran ban sakta hai.

Migraine ke lakshan alag alag logon me alag alag paaye jaate hain, lekin zyadatar logon me kuch shuruaati lakshan jaise aakhon ke aage kaale dhabbe (blind spots), prakash ki chamak aur awaaz ke prati samvedansheelta aanaa ya ye sehan na hona, haath pairo me current sa mehsoos hona, jee machlana aur ultiyan aana aadi hota hai. Migraine ka attack aane se pehle kuch sanket jaise chidchidapan, gardan me kathorta ya jakdan, kabz, baar baar jamayi aana aur baar baar bhook lagna etc. ho sakta hai .

Migraine ke kuch gharelu upaye in Hindi

Waise to Migraine ka koi gyaat ilaaj nahi hota hai, lekin kuch gharelu upaye ko apna kar aap ane dard se chhutkara paa sakte hain, aur iske hone ki frequency ko kam kar sakte hain, aaj hum aapko batayenge ki kaise sirf kuch gharelu upayo se aapka migraine khatm ho sakta hai aur iske liye aapko paise kharch karne ki bhi koi zarorat nahi hai hamare bataye hue sirf kuch aur asaan gharelu upayo ki madad apne migraine se chhutkara paa sakte hai, To aaiye jaante hain.

#1. Seb Ka Sirka (Apple Cider Vinegar)

Nutrition power house hone ke kaaran seb ka sirka migraine ko kam karne me kaafi madad karta hai, saath hi ye detoxification ko badhata hai, blood sugar ko control karta hai, uchch raktchap ko niyantrit karta hai, haddiyon ke dard ko kam karta hai, motapa kam karta hai aur kabz me rahat deta hai, jab bhi aapko lage ki aapko ab migraine ka attack aane waala hai to aap do badi chammach seb ke sirke ki pee le, iski madad se aapko migraine ka attack nahi aayega aur aapki sehat bhi achchi rahegi.

#2. Ice pack

Tension aur migraine ke dard se chhutkara paane ke liye ice pack ka istemaal sabse prachlit aur kaafi karagaar gharelu upchaar hai, ye skin ko sunn kar deta hai jisse dard ka pata nahi chal paata hai, ek ssaf towel me kuch barf ke tukde rakh kar use apne sir aur gardan ke pichhe 10 se 15 minute ke liye rakh le zaroorat padne par esa dobara krein isse aapka migraine ka dard kam ho jayega.

#3. Peppermint

Peppermint me anti-inflemetry properties hoti hain jo nerves ko shaant karne me madad karti hain saath hi iske antispasmodic aur calming effect bhi hote hain, 2008 me International General of Neuroscience me publish huyi ek study ke anusaar peppermint ki khushboo sharir me sir dard se rahat pradan karne wala anubhav pradan karti hai, roz ek cup honey ke sath bani peppermint tea ka sevan karein.

#4. Lal Mirch

Lal mirch migraine ko kam karne me kaafi karagaar gharelu upaye hoti hai kyunki ye blood circulation ko stimulate kar ke uske flow ko badhati hai saath hi isme capsaicin naamak compound hota hai jo natural pain killer ki tarah kaam karta hai ek cup garam paani me ek chammach lal mirch milaye taste badhane ke liye aap isme honey ya nimboo ka ras bhi mila sakte hain ab is tea ka sevan karien.

>>>ये भी पढ़ें :- Health Tips in hindi

migraine ka gharelu treatment, migraine gharelu nuskhe, migraine ke gharelu upay in hindi, adhe sar dard ka ilaj in hindi, migraine ke gharelu upay in hindi, migraine ke gharelu nuskhe in hindi.

Leave a Reply

Your email address will not be published. Required fields are marked *